黃劍文好感動！

《中年好聲音2》比賽後，黃劍文歌迷人數培增，並承諾得獎後會同歌迷搞場BBQ聚會。日前劍文終於找數，同過百歌迷歡度一個歡樂嘅晚上。一向歌迷聚會都係以歌會友，劍文話首次同歌迷一齊BBQ感覺好興奮，好戥佢哋熱，歌迷仲好 sweet話幾熱都要陪你，令劍文份外感動。

黃劍文找數跟歌迷BBQ。

劍文話首次同歌迷一齊BBQ感覺好興奮！

現場仲有歌迷們悉心佈置打卡位。劍文到達現場後，過百歌迷夾道歡呼，當劍文行到去露台的時候，一班歌迷們好有心思，預先準備大合唱《凡星2》送畀他，這首歌對劍文份外有意義，因為是他比賽時候進入三強的必殺歌，聽到呢首歌嘅時候劍文都有眼濕濕。

歌迷好sweet話「幾熱都要陪你」，令劍文份外感動！

劍文到達現場後，過百歌迷更大合唱《凡星》送畀他。

搞到劍文眼濕濕！

歌迷改咗會名叫「Kimchi Family」。

原先安排在露台燒嘢食及同歌迷唱歌，雖然天公不造美，活動移師室內進行，劍文話反而更親密，所有歌迷圍住自己唱歌，感覺好多愛包圍著自己，仲見到佢哋臉上嗰個係笑得好開心，所有人好似回復小朋友一樣。因為今次的聚會，歌迷們改咗會名叫「Kimchi Family」，劍文好感動，話我終於有個大家庭！

Powered by the Echo RSS Plugin by CodeRevolution.