सुन्दरहरैंचामा एक महिलाको शव भेटियो

२० वैशाख, विराटनगर । मोरङको सुन्दरहरैंचामा विभत्स अवस्थामा एक महिलाको शव फेला परेको छ ।

सुन्दरहरैंचा नगरपालिका–५ गोर्खाली टोलकी ४५ वर्षीया मनमाया तामाङको शव आफ्नै घरभित्र अर्धनग्न अवस्थामा फेला परेको हो ।

मोरङ प्रहरीका प्रवक्ता डीएसपी ज्ञानेन्द्रबहादुर बस्नेतका अनुसार महिलाका श्रीमान् ५० वर्षीय पदमबहादुर तामाङ फरार छन् ।

मनमायाको हत्या भएको प्रारम्भिक अनुसन्धानबाट देखिएको बस्नेतले जानकारी दिए । उनले भने, ‘शरीरको विभिन्न भागमा चोटपटक देखिएको छ ।’

प्रहरीका अनुसार आमाको शव देखेपछि छोरीले बिहीबार बिहान ७ः२० बजेतिर प्रहरीलाई खबर गरेकी थिइन् । घरमा पदमबहादुर र मनमाया मात्रै बस्दै आएका थिए । छोरीको बिहे भइसकेको र छोरा वैदेशिक रोजगारीमा छन् ।

Được hỗ trợ bởi Echo RSS Plugin bởi CodeRevolution.