八達通是現時最受歡迎的電子支付方式之一，無論用來搭車食飯購物，都非常方便。但日前就有網民發現北角某餐廳外竟張貼告示，指如使用八達通結帳要收手續費，即惹來網民熱議！

資料圖片

告示：少於$70元加收1元，多於$70元加收1.5%

有網民日前在Facebook群組發文，指北角某餐廳門外，竟張貼了告示「如需八達通支付要收手續費，少於$70元加收1元，多於$70元加收1.5%」，並以相為證，樓主似是感到匪夷所思地寫到「第一次見」帖文一出即惹來不少網民熱議。

網民熱議：香港飲食業係點樣整死自己

不少網民都對餐廳的做法表示不能苟同。有網民寫到「因八達通每單交易会收商戶1.5%手續費，所以佢只係轉嫁啫，生意難做所以明白嘅」，「但Octopus公司同Bank一樣係講過，商戶唔可以將commission 轉嫁比消費者。呢個老闆咁寫惹麻煩之餘又得罪客」因此直指老闆唔醒目及好蠢！「所以你看，香港飲食業係點樣整死自己」、「同自己倒米」

示意圖片

網民不滿：賺到盡 ！結果咪摺埋

另有網民覺得咁做只是會令餐廳走上關門大吉之路，他們寫到「唔幫襯就唔使收手續費，仲唔使做添一舉兩得。」「賺到盡 ！ 某間麵飽店唔收八達通，結果咪摺埋。」有網民更講述疫情後K11一間高級餅店的故事，指餅店製作了一張精美告示，內容寫着「絕對唔歡迎問路」，早前他再去時餅店已執笠。他表示「半年前我見到已經同老婆講話佢執緊， 其實唔教人係冇問題，但真係唔使寫出嚟， 仲要打印得咁精美， 比呢間八達通要收費更加XX。」

示意圖。《愛回家》劇照

有人認為做法正常 轉嫁消費者好合理

不過有網民就認為並非是餐廳之過「係octopus收商戶嘅定價commission, 所以唔好瀨晒商戶。佢地只係轉嫁消費者。」「正常，八達通都收人手續費，轉嫁消費者，好合理」但有網民指出「咁不如你索性唔收八達通好過…」、「簡單複雜化」更有網民質疑，其實餐廳做法已經違反守則。

如另收取額外費用 商戶資格或被取消

根據八達通與商戶簽訂的開戶協議中，當中一項已註明，商戶只可以向顧客收取貨品的實際價錢，不能收取額外費用，如不按協議而另收取額外費用，包括手續費等，八達通有權取消該商戶的資格。

Được hỗ trợ bởi Echo RSS Plugin bởi CodeRevolution.